Kryetari i PD-së, Lulzim Basha ka vizituar sot në Tiranë, çiftin e të moshuarëve Gëzim dhe Lili Sula.
Ata iu ankuan Bashës për vështirësitë që hasin çdo ditë, pensionet e ulëta dhe ilaçet çdo ditë e më të shtrenjta.
Basha i cili prezantoi dje planin e tij ekonomik, iu premtoi se do i rrisë pensionet dhe nuk do të ketë fjalë boshe, por punë dhe vepra.
Shënimi i Bashës
U takova sot me dy pensionistë në Tiranë, Gëzim dhe Lili Sula dhe bisedova me ta për vështirësitë me të cilat përballen çdo ditë. Ata më shprehën trishtimin që pensionet e ulëta që marrin nuk i lejojnë të bëjnë një jetë normale. Ilaçet janë të shtrenjta, faturat e energjisë dhe ujit u përgjysmojnë pensionin, çmimet e ushqimeve janë rritur shumë. Për 8 vjet qeveria nuk ka menduar për të rritur pensionet e tyre.
Bashkë folëm dhe për programin ekonomik të PD. I njoha me angazhimin dhe punën tonë të gjatë për të hartuar programin, i cili do të rrisë pensionet me 2-fishin e normës së inflacionit, por jo më pak se 5% çdo vit.
I sigurova se nuk po dëgjojnë premtime boshe, por angazhime serioze të mbështetura në plane të hollësishme pune.
Falë njerëzve si Gëzimi dhe Lili, më 25 prill Shqipëria do të fitojë.