Hapësire reklamuese

Aktualitet

Basha publikon DEKLARATËN e një viti më parë, AKUZA të forta Ramës për Teatrin: I lumtur për nënshkrimin e kontratës me artistët

Shkruar nga Newsbomb

Kreu i PD-së Lulzim Basha ka reaguar sërish këtë mëngjes për prishjen e Teatrit Kombëtar.

Në një postim në Facebook, Basha ka publikuar një deklaratë të tij të bërë një vit më parë, ku ngre akuzat se kryeministri Edi Rama po bën një aferë korruptive për të përfituar 200 milion euro.

Gjithashtu kreu i opozitës shprehet i lumtur që nënshkroi një kontratë brenda Teatrit Kombëtar këtë të enjte.

Reagimi i plotë:

Afera Rama-Veliaj e Kullave 200 milionë Euro te Teatri Kombëtar nuk ka të bëjë fare me Teatrin por vetëm me ndërtimin e kullave 200 milionë euro dhe pastrimin e parave të drogës. Debati për Teatrin është loja për të fshehur grabitjen 200 milionë euro.

Më poshtë deklarata ime një vit më parë me 28 korrik 2018:

"Rama nuk ka asnjë interes për teatër të ri pa kulla. Afera me Teatrin Kombëtar është për kullat e për të futur në xhep 200 mln euro, dhe jo për Teatrin, sepse për të nuk ka Teatër pa kulla. Vetëm për luks qeveritar, Rama ka shpenzuar aq para sa për të ndërtuar 5 teatro kombëtarë.

Unë i kuptoj artistët që kërkojnë një teatër më komod. Ka disa mundësi për një teatër të ri, si në Bulevardin e ri të Tiranës. Teatri aktual restaurohet në shërbim të artit e kulturës por dhe si monument unik i trashëgimisë kulturore të Tiranës.

Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri."

  1. S. I lumtur që kontratën e nënshkruam brenda Teatrit Kombëtar këtë të enjte!

Lexo gjithashtu

Sondazh

Poll