Hapësire reklamuese

Politikë

Basha publikoi videon e familjes në nevojë, Rama e përgënjeshtron dhe publikon reagimin e kryefamiljarit: Do ta hedh në gjyq (VIDEO)

Shkruar nga Newsbomb

Kreu i PD-së Lulzim Basha publikoi videon e një prindi që kërkonte ndihmë, pasi jetonte në skamje.

Por, Rama e ka përgënjeshtruar videon e publikuar nga Basha, me një video tjetër.

Babai i dy jetimëve Agim Qosja, ka thënë se nuk e kishte pritur që Basha do të nxirrte videon e tij, e cila është bërë para tre vitesh kur kishte kërkuar ndihmë nga hoxhë Elvis Naçi.

Ai ka thënë në videon e Ramës se ajo video që është publikuar pa leje nga Basha dhe kjo çështje do të ndiqet në rrugë ligjore.

Kryefamiljari ka thënë se si mund të bëhet kryeministër një person që mashtron me video që nuk janë ekskluzive të tij.

Ai është shprehur se ndjehet mirë, është në punë dhe fëmijët janë tre vite më të mëdhenj.

"PA KOMENT dhe me keqardhje për çka mund ta shihni e ta gjykoni vetë!

*kujdes nga helmi i dizinformimit",- shkruan Rama bashkëngjitur videos.

"Nuk mund përdoren për qëllime politikë, një video e dy jetimëve. Si mund të bëhet Kryeministër një person që merret me dy jetimë? Këtë do e ndjekë edhe në rrugë ligjore, do padisë Bashën pasi kjo nuk është më gjendja ime reale që kur shtëpia në është rikostruktuar nga Elvis Naçi dhe nga komuna na kanë ndihmuar me librat e fëmijëve sot dhe vetë jam në punë. Nuk është politikan një njeri që merret me jetimet dhe video të së kaluarës. Jam ndjerë shumë keq dhe nuk dija gjë. Më thotë një shok që është publiku fëmija dhe u habita pasi ajo është shumë kohë më parë. Më ka rikthyer në mendje një gjë shumë të hidhur për mua dhe fëmijët, në një kohë që unë luftoj e punojë që fëmijët ta harrojnë atë periudhë të vështirë dhe këto ma rikujtojnë",- tha kryefamiljari Agim Qosja. 

Sondazh

Poll

Lexo gjithashtu