Publikohet formulari i konfirmimit të Kuvendit Kombëtar të 18 Dhjetorit, të thirrur nga kreu i PD, Lulzim Basha. Me ane të këtij formulari delegatët shprehin dakordësinë e tyre me kuvendin e Bashës, i cili është planifikuar të mbahet një javë pas kuvendit të 11 Dhjetorit, të thirrur nga ish-kryeministri Sali Berisha.
Ka qenë ish-nënkryetari i FRPD-së Lisandër Hoxha i cili ka postuar në rrjetet sociale një foto të një formulari, i cili sipas tij është lëshuar me urdhër të Lulzim Bashaës për të mbledhur konfirmimet për Kuvendin e shpallur prej tij më 18 Dhjetor.
“George Soros paska përgatitur një ftesë për antiKuvendin e 11 dhjetorit. Ju lutem, sqaroni demokratët, se ky formular nuk ka asnjë lidhje me ne. Aty firmoset për vulën e Lulit dhe për një PD humbëse. Më 11 dhjetor merr fund kolaterali i Lulit për PPP e Ramës”, shkruan Hoxha.