Hapësire reklamuese

Politikë

Basha nga Lezha: Do i japim fund pandëshkueshmërisë, po ndan Shqipërinë në dy pjesë

Shkruar nga Newsbomb
Basha nga Lezha: Do i japim fund pandëshkueshmërisë, po ndan

Kryetari i PD Lulzim Basha ka folur sot nga Kuvendi Zgjedhor në degën e PD në Lezhë.

Kryedemokrati Basha tha se shumë politikanë shqiptarë i shpëtojnë ligjit, ndërsa theksoi se duhet t’i jepet fund pandëshkueshmërisë, që të ndajë Shqipërinë në dy pjesë.

“Qëndrimet tona për zgjedhjet tashmë janë institucionalizuar. Padiskutim që garantimi i zgjedhjeve të lira dhe të ndershme do të kërkojë shumë më shumë sesa rregullat e lojës. Por pa rregullat e lojës, nuk ka asnjë shans që të kemi një rrugë të hapur drejt një sistemi zgjedhor ku qytetarët vendosin se kush do të shkojë në parlament dhe jo kryetarët e partive.

Kjo është arsyeja pse PD ka dorëzuar jo thjesht në emrin e saj apo të opozitës, por në emrin e interesit të çdo qytetari propozimet për listat e hapura. Propozimin për Shqipërinë një zonë zgjedhore, për votimin elektronik dhe numërimin elektronik dhe për votën e shqiptarëve që jetojnë jashtë Shqipërisë. Propozimi për listat e hapura nuk është një manovër politike apo partiake, është zotimi ynë që parlamenti të mos jetë më një konstelacion i atyre që vijnë nga listat e mbyllura të përcaktuara nga kryetarët e partive sipas formulës kushtetuese të 2008-ës.

Që ishte dhe fillimi i fundit të Republikës së parë pluraliste në Shqipëri dhe që sot është kthyer në një pronë private të Edi Ramës dhe të çirakëve të tij në qeveri. Fund pandëshkueshmërisë, për të ndarë Shqipërinë në dy pjesë. Shumë politikanë i shpëtojnë ligjit! PD do të flasë prerë!”, - tha Basha.

Sondazh

Poll

Lexo gjithashtu

Hapësire reklamuese