Hapësire reklamuese

Politikë

Basha kujton 5 janarin e ’91: Askush mos prekë fjalën e lirë, nëpërmjet saj ne mbrojmë të vërtetën

Shkruar nga Newsbomb
Basha kujton 5 janarin e ’91: Askush mos prekë fjalën e

Kreu i PD, Lulzim Basha ka  kujtuar 5 janarin e 1991, kur mbërriti në duart e shqiptarëve, Rilindja Demokratike.

Basha shkruan se  Rilindja Demokratike, ishte e para media opozitare në Shqipëri, që sipas tij u bë themeluesja e shtypit të lirë shqiptar.

Kryedemokrati në 31-vjetorin e Rilindjes Demokratike, i shpreh mirënjohejn ë gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit perëndimor, në ditë të mira dhe të vështira.

Postimi i plotë i Bashës:

Mëngjesin e 5 janarit 1991, pas një pritje gjysmë shekullore, “Fjala e parë” mbërriti në duart e shqiptarëve. Rilindja Demokratike, e para media opozitare në Shqipëri, u bë themeluesja e shtypit të lirë shqiptar, duke shënuar përgjithmonë historinë e re të vendit. Një tribunë refleksionesh mbi regjimin komunist e të shkuarës dhe mbi demokracinë e shumëpritur të së ardhmes, vepër e intelektualëve, gazetarëve, studentëve, që i'u bashkuan prej orës së parë Partisë Demokratike, për të sjellë fjalën e lirë, votën e lirë dhe ribashkimin me Perëndimin.

Në këtë përvjetor të 31-të, dua të shpreh mirënjohjen time dhe të Partisë Demokratike për të gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit tonë perëndimor, në ditë të mira dhe të vështira.

Dhe të vështira janë ditët e sotme për mediat. Në një atmosferë mbytëse për lirinë e tyre, mes plagëve të vjetra të tranzicionit dhe të rejave të kësaj kohe sfiduese për të vërtetën, ato ka nevojë për inkurajim dhe mbështetje të gjithanshme, që askush të mos prekë fjalën e lirë sepse nëpërmjet saj ne mbrojmë të vërtetën, si një gjest shërimi për të parë me guxim dhe shpresë nga e ardhmja.

Gëzuar!

Sondazh

Poll

Lexo gjithashtu

Hapësire reklamuese