Kryetari i Partisë Demokratike Lulzim Basha dhe kryetarja e LSI-së Monika Kryemadhi, mbrëmjen e sotme kanë zhvilluar një takim me banorët e Kombinatit.
Basha tha se koalicioni PD-AN do të bëjë koalicion me LSI-në për t’i dhënë vendit një qeverisje të ndryshimit dhe të shpresës.
“Koalicioni PD-AN do të bëjë koalicion me LSI-në për t’i dhënë vendit një qeverisje të ndryshimit dhe të shpresës që do të hapë negociatat me BE në 100 ditët e para. Le të vazhdojmë së bashku maratonën e shqiptarëve të bashkuar për ndryshim”, tha Basha.
Ndërkohë Kryemadhi u shpreh se Rama nuk po rindërton asnjë shtëpi të qytetarëve por vetëm xhepat e tij 3D.
“Jemi këtu bashkë edhe pse kemi 2 vite që nuk ndahemi. Jemi këtu sepse fronti opozitar mendon për shqiptyarët, mendon për familjet tuaja. Rama po rindërton vetëm xhepat e tij 3D dhe asnjë shtëpi të njerëzve. Deklarata e presidentit të Serbisë tregon hallin e madh të Ramës”, tha Kryemadhi ndër të tjera.
Live Updates