I shpallur nga Berisha si nënkryetar i “Rithemelimit” Gazment Bardhi, njëkohësisht kreu i grupit parlamentar të Partisë Demokratikë edhe sot nuk ka dalë në protestën e thirrur nga Berisha. Njësoj si ditën e hënë, edhe këtë të enjte Bardhi braktisi protestën e Berishës dhe nuk u shfaq krah tij në shesh. Kreu i grupit parlamentar të Partisë Demokratike, Gazment Bardhi më herët ka deklaruar se mbështet çdo protestë e cila është kundër Ramës. I pyetur nga gazetarët këto ditë, Bardhi i është shmangur përgjigjes se përse mungoi në protestë, duke thënë se ai vetë ndodhej në ambientet e brendshme të Kryesisë së Kuvendit. Edhe sot, Gazment Bardhi mungon në protestën e Berishës para Kuvendit, por e mbështeti një ditë më parë në emisionet televizive dhe një orë pas protestës me një reagim në X (ish-Tëitter).

1/2. Vendimi antikushtetues i Kuvendit ndaj Sali Berishës, miratuar vetëm me votat e Edi Ramës pa arsyetim dhe prova, është akt i mirëfilltë politik. Shpërfillja e Kushtetutës dhe ligjit në rastin konkret, është standarti më i keq i vendosur në një shoqëri demokratike.

— Gazment Bardhi (@GazmentBardhi) December 21, 2023

Nëpërmjet këtij reagimi në rrejtin social “X” Gazment Bardhi thotë se vendimi i Kuvendit sot për Berishën është anti-kushtetues dhe se është miratuar vetëm me votat e Edi Ramës pa arsyetim dhe prova. Lexo edhe: Berisha i “zhveshur” nga imuniteti, Bardhi: Vendim i miratuar vetëm me votat e Ramës Por ndryshe nga e Hëna kur dhe u mblodh Këshilli i Mandateve ku i hapën rrugë Spak- ut për arrestimin e Berishës, Bardhi këtë të enjte ka dalë në rrugë pasi duhet të shkonte në seancën plenare. I vetmi veprim i Bardhit në mbështetje të revolucionit të mbështetësve të Berishës jashtë dhe brenda ambienteve të Kuvendit ishte çakmaku që i dha Flamur Nokës për të ndezur flakët e zjarrit. Momenti kur Bardhi i jep çakmakun Flamur Nokes Në një seancë aspak të zakonshme, si të gjitha të muajit të fundit, edhe sot kaosi vazhdoi. Nga njëra anë deputetë të opozitës që tentonin të hynin në Kuvend dhe përplaseshin me Gardën, të tjerë që kthenin përmbysë karrige në sallë. Depuetet e opozitës nisën me planin për të mos lejuar mbajtjen e seancës. Një foto e kapur nga LSA, Bardhi ka nxjerrë nga xhepi i xhupit një çakmak Bic dhe ja jep Flamur Nokë për trë ndezur zjarrin. Ky i fundit ndez tymuesen në Kuvend. Deputetët e opozitës e kishin mirëmenduar planin, aq sa dhe ngjyrat e tymueses i kanë zgjedhur ngjyren blu, simbolizon Partinë Demokratike. Flamur Noka me tymuese ne Kuvend Mes tensioneve dhe protestave, ku opozitarët i binin tavolinave, maxhoranca me forcën e kartonit miratoi me 75 vota pro heqjen e imunitetit të Berishës, duke i hapur kështu rrugë arrestimit të tij. Menjëherë pasi u votua heqja e imunitetit, Kuvendi i ka përcjellë Prokurorisë së Posaçme shkresën zyrtare për arrestimin e Sali Berishës. Autorizimi për arrestimin e Sali Berishës është firmosur nga kryetarja e Kuvendit, Lindita Nikolla dhe është dërguar ne SPAK rreth dy orë e gjysmë pasi parlamenti miratoi kërkesën e SPAK. Ish-kryeministri Sali Berisha akuzohet për korrupsion pasiv lidhur me aferën e ish-kompleksit Partzani.