Kreu i Grupit Parlamentar i PS, Taulant Balla nga foltorja e Kuvendit i kërkoi ministrit të Bujqësisë Niko Peleshi se duhet të bëhet një audit i plotë i tokave bujqësore që jepen me qira.
“Unë dua t’i nënvizoj kërkesën tonë ministrit të Bujqësisë por edhe ministrive të tjera që lidhur me tokat e dhëna me qira duhet të bëjmë një audit të plotë. Dhe të gjitha ato që nuk janë përdorurur, nuk kanë dhënë prodhim ne duhet t’ja dorëzojmë qeverisë që të përdoren për të rritur ekonominë e vendit”, tha Balla.
Në rend të ditës në Kuvend ishte sot diskutimi për disa ndryshime shtesë për dhënien me qira të tokave bujqësore e pyjore që janë pasuri shtetërore.