Banorëve në qytetin lindor të Ukrainës Rubizhne u është thënë të qëndrojnë brenda banesave të tyre, pasi një sulm rus goditi një rezervuar me acid nitrik, duke shkaktuar një re të madhe tymi toksik.
"Është e paqartë se sa acid ishte në rezervuar, por substanca është mjaft toksike. Njerëzve u është thënë të qëndrojnë brenda ose të mbajnë një maskë për fytyrën dhe të shikojnë drejtimin e erës", paralajmëroi kreu i administratës ushtarake rajonale të Luhansk, Serhiy Haidai.
“Më mirë të presësh brenda, ky acid do të dekompozohet pas shiut. Por askush nuk e di se kur do të bjerë shi. Prandaj, ju lutemi shikoni këtë re rozë dhe nëse ajo lëviz drejt jush - ju lutemi fshihuni brenda dhe prisni brenda. Ky ishte një goditje e drejtpërdrejtë në rezervuar", tha Haidai në mesazhin drejtuar banorëve.
Ky sulm vjen pasi ushtria ruse tha se po e zhvendos fokusin e saj në rajonin lindor të Donbasit, pasi u tërhoqën nga Kievi dhe veriu i Ukrainës.