Aleksandër Deda, biznesmeni 42-vjeç ka mbetur i plagosur pas një atentati që iu bë dje pranë një lokali në aksin Lezhë-Milot.
Bëhet me dije se Aleksandër Deda ka marrë një plumb në gjoks, dhe menjëherë pas atentatit është nisur vetë për në spitalin e Lezhës.
Por si duket autorët nuk kishin ‘mbaruar ende punën’ pasi edhe kur Deda është nisur me makinë për në spital ata e kanë ndjekur.
42-vjeçari ndodhet në spitalin e Traumës, jashtë rrezikut për jetën. Burime për median bëjnë me dije se policia ka shoqëruar disa persona në lidhje më këtë ngjarje.
Sakaq pritet dëshmia e Aleksandër Dedës për të zbardhur ngjarjen e plotë.
Kujtojmë që Aleksandër Deda, rreth 42-vjeç, i cili njihet dhe me nofkën ‘Leksi i Druve’ është qëlluar mbrëmjen e djeshme me armë zjarri nga persona të paidentifikuar, teksa ishte vetëm në makinë.