Babai i Andi Malokut, shoferit të vrarë gjatë atentatit të prokurorit Arjan Ndoji, kërkon drejtësi për vrasjen e të birit.
Genc Maloku, babai i Andi Malokut i ka bërë thirrje SPAK që të sqarojë se pse iu vra djali, përndryshe ka thënë se do ta marrë vetë gjakun e të birit.
Sakaq ai ka pranuar se e ka takuar deputetin e opozitës Halit Valteri dhe i ka treguar videon të cilën e ka siguruar privatisht.
“Im bir 2 muaj pune si shofer i prokurorit Ndoj. Prokuroria ka videot e ngjarjes dhe nuk arreston atentatorin tjetër. Prokuroria te veproje ndryshe do e marr vete gjakun e tim biri.
Unë kam videot dhe i kërkova ndihmë deputetit Valteri që të ngrejë zërin. Videot i kam siguruar privatisht, SPAK të veprojë”, tha Genc Maloku, babai i të riut.