Gazetari Artan Hoxha foli në lidhje me atentatin që iu bë rreth një javë më parë, Kryetarit të Bashkisë Lushnje, Fatos Tushe.
Nga kjo ngjarje, mbeti e plagosur edhe sekretarja e tij. Si autor rezultoi se ishte ish-shoferi i kryebashkiakut, i cili është ende në arrati.
Për këtë ngjarje Hoxha tha në “ABC News” se situata për kapjen e autorit nuk u menaxhua mirë, sipas tij kjo ishte një ngjarje tepër e thjeshtë për tu zbardhur, dhe për tu kapur autori, por se policia nuk kishte mundur dot as të ngrinte helikopterin për krehjen e zonës, dhe gjetjen e autorit, që sipas gazetarit ndodhet ende në Shqipëri.
Sa i përket motiveve të ngjarjes, Hoxha tha se nuk dëshiron të spekulojë, dyshimet janë se ngjarja ka të bëjë me një motiv që nuk e thotë as kryetari i Bashkisë.