Deputeti i Partisë Demokratike, Astrit Patozi është shprehur se situata e krijuar me mbjelljen e hashashit në çdo cep të vendit i ka dhënë të drejtë ish-deputetit të PS-së, Koço Kokëdhimës.
Patozi ka theksuar se sot duhet t’i kërkohet falje Kokëdhimës, jo sepse bie dakord me të, por platforma e tij për legalizimin e hashashit do të shkaktonte shumë më pak dëmë se çfarë po ndodh aktualisht.
“Mendoj se tani duhet t’i kërkojmë falje Koço Kokëdhimës, jo sepse jemi dakord më të apo se ai është bërë më interesant, por platforma e tij për legalizimin e kanabisit do të shkaktonte më pak probleme në raport me çfarë po ndodh tani”, u shpreh deputeti demokrat.
Kokëdhima gjatë kohës që ishte deputet kërkoi legalizimin e kanabisit për farmaceutikën dhe jo përdorim vetjak.