Gazetari Artan Hoxha ka paralajmëruar mbrëmjen e sotme publikimin e videos së vrasjes së biznesmenit Guxim Gjyriçi në mes të qytetit të Bajram Currit.
I ftuar pasditen e sotme në Abc News, Hoxha ka thënë se viktima është qëlluar me 13 plumba sapo ka dalë nga lokali i tij, ndërsa ka theksuar se ekzekutori ka qenë profesionit. Hoxha ka paralajmëruar publikimin e një videos nesër.
“Apeli që bëj unë, është të ndërpresin zinxhirin e vrasjeve. Ai që u vra në Tropojë nuk kishte asnjë lidhje me krimin. Kishte shkuar në lokal, kishte pirë kafen dhe ishte nisur me duar në xhepa në shtëpi. Ekzekutori i Tropojës ishte profesionist. Nesër do publikoj videon”, është shprehur më tej Artan Hoxha.