Hapësire reklamuese

Aktualitet

Artan Hoxha: Kam patur kërcënime dhe oferta pa fund nga politika që të mos publikoja videon e Lefter Allës duke pirë kokainë

Shkruar nga Newsbomb

Gazetari Artan Hoxha edhe njëherë ka shpjeguar se si e siguroi videon ku sipas tij duket kryetari i Bashkisë së Bulqizës, Lefter Alla duket teksa konsumon kokainë.

 

“Prej 4 muaj e kam patur këtë video. Video është xhiruar pasi ka marrë mandatin. Nga momenti i parë që kam rënë në dijeni, kam qenë duke u marrë me diçka tjetër në Bulqizë. Me botën e krimit në mineralin e kromit. Duke bërë këto kontakte, rastësisht rashë në këtë video”, tregoi Artan Hoxha në emisionin Opinion.

Pasi ka dalë lajmi, në emisionin Opinion për ekzistencën e kësaj videoje, gazetari tha se shumica e kryetarëve të bashkive kanë çuar njerëz që e kanë pyetur. Por sa i sigurt është gazetari që personi në video, është Lefter Alla?

“Kam bërë verifikimet, në fillim rashë në dijeni të faktit që aty përdoret lëndë narkotike nga këta funksionarë. Ky është një problem i madh në disa qytete të tjera. Duke hulumtuar personalitetin e tij nuk më përputhej, nuk ka ngarkesë penale apo kriminale, ka mbaruar shkollën për mësues edukim fizik, ka qenë mësues fizkulture. Nga gjithë ajo video unë kam shkëputur vetëm një moment, unë nxora atë pasazh që mendoj unë se ka vlerë. Unë qëllimisht kam hequr time code për të mos zbuluar, orën datën, lokalin, unë nuk dua të identifikojë qytetarë që mund të kenë pasoja nga kjo video sepse mund të akuzohen që kanë publikuar këtë video. Ajo është kamerë sigurie, filmimi që kam unë ka një zë. Kamera vetë është me rezolucion të lartë, lokali vetë nuk ka interes të ta jap këtë video. Një person me celular ka filmuar mbi ekranin e kompjuterit, këtë gjë mund ta kenë bërë shumë njerëz. Sot nuk i identifikojmë dot që është burimi”, tha gazetari.

Po ashtu ai ka ka treguar edhe kërcënimet që ka patur. “Erdhën njerëz që kontaktuan. Presion dhe marrëveshje është kërkuar pa fund. Ofruan para dhe kërcënime, edhe nga bota politike edhe nga bota e nëndheshme”.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.