Hapësire reklamuese

Aktualitet

ARRSH me njoftim të rëndësishëm për drejtuesit e mjeteve në Tiranë

Shkruar nga Newsbomb
ARRSH me njoftim të rëndësishëm për drejtuesit e

Autoriteti Rrugor Shqiptar njofton se ditën e shtunë, datën 16 dhjetor, do të mbyllet aksi nga Rrethi i Shkozës te Xhamia në Farkë pasi do të fillojë shtrimi me asfalt.

Përmes një njoftimi ARRSH thotë se bllokimi i qarkullimit në këtë segment do të fillojë nga ora 06:00 deri në 22:00 të ditës së shtunë.

Mjetet që lëvizin në drejtimin Shkozë-Farkë, mund të shfrytëzojnë rrugën e vjetër ekzistuese për në Farkë.

Njoftimi i plotë:

Në vijim të punës në Lotin 3 të Unazës Lindore, ku do të fillojë shtrimi me asfaltbeton  në nyjën e mbikalimit në Shkozë, ditën e shtunë, datë 16.12.2023, nga ora 06:00-22:00, do të bëhet bllokimi i qarkullimit në segmentin rrugor “Rrethrrotullimi  Shkozë-Farkë e Madhe (nyja e Xhamisë)” në drejtimin Shkozë-Farkë.

Ndërkohë kahu tjetër i lëvizjes, Farkë-Shkozë do të jetë i hapur normalisht.

Mjetet që lëvizin në drejtimin Shkozë-Farkë, mund të shfrytëzojnë rrugën e vjetër ekzistuese për në Farkë.

Autoriteti Rrugor Shqiptar kërkon mirëkuptimin e drejtuesve të mjeteve dhe banorëve të zonës për këtë ndërhyrje.

Sondazh

Poll

Lexo gjithashtu

Hapësire reklamuese