Një shqiptar 27-vjeçar ka përfunduar në prangat e policisë italiane në Modena.
Ai konsiderohet si kreu i një grupi hajdutësh në zonë. Grupi ushtronte veprimtarinë kriminale në Modena dhe Firence.
27-vjeçari u identifikua pas zbulimit të gjurmëve të gishtërinjve në një qese të hedhur gjatë arratisjes, pasi një grabitje në Villanova.
Grupi ishte i përbërë nga 4 persona dhe vepronin në mënyrë të tillë, fillimisht parkonin makinën, një Mercedes A-Class, larg nga vendet ku kryenin vjedhjet, në apartamente.
Më pas, në mënyrë të fshehtë ata largoheshin duke përfituar nga errësira nga një shtëpi në tjetrën.
Shqiptari i arrestuar ka denoncuar bashkëpunëtorët e tjerë, ndërkohë që policia po heton për t’i identifikuar ata.