Policia e Sarandës ka arrestuar ditën e sotme, drejtorin e Urbanistikes në Bashkinë e qytetit bregdetar, një juriste në ASHK dhe një noter.
Bëhet me dije se në pranga ka rënë shtetasi Pandi Zhoga., drejtori i Urbanistikës, shtetasja Rovena Aliaj, juriste në ASHK Sarandë dhe Aleko Anagnosti me profesion noter.
Zhoga ka qenë i proceduar penalisht pasi ka lejuar ndërtimin e një pallati në lagjen nr.4, Sarandë, pa dokumentacion përkatës.
Mësohet se arrestime janë kryer edhe në Kadastër.
Ende nuk dihen akuzat e tjera që rëndojnë ndaj tyre, ndërsa urdhër-arrestet për zyrtarët e Bashkisë janë lëshuar nga Prokuroria e Sarandës, ku paraditen e kësaj të mërkure janë ekzekutuar nga efektivët e qytetit.