Policia e Elbasanit ka prangosur 30-vjeçarin të shpallur në kërkim, Guri Biba, i cili akuzohet për veprën penale: “Plagosje e rëndë me dashje”. Arrestimi i këtij shtetasi është bërë pasi Gjykata e Rrethit Gjyqësor Elbasan ka caktuar për të masën e sigurisë “Arrest me burg”.
“Specialistët për Krimet e Rënda, në Drejtorinë Vendore të Policisë Elbasan, bënë ndalimin e shtetasit në kërkim: Guri Biba, 30 vjeç, banues në fshatin Katund i Ri.
Ky shtetas, u ndalua nga efektivat e policisë, pasi Gjykata e Rrethit Gjyqësor Elbasan, me vendim penal më datë 05.03.2016, ka caktuar masën e sigurisë “Arrest me burg” për veprën penale: “Plagosje e rëndë me dashje” parashikuar nga neni 88/1 i Kodit Penal”, bënë më dijë policia.