Arben Ristani kritika Këshillit Politik: S’kanë transparencë, e bëjnë për interesa momentale

Publikuar tek: politike, më 21:34 01-06-2020 Arben Ristani kritika Këshillit Politik: S’kanë transparencë, e bëjnë për interesa momentale Ish-kreu i KQZ Arben Ristani

Ish kryetari i Komisionit Qendror të Zgjedhjeve Arben Ristani kritikon punën e Këshillit Politik për reformën zgjedhore dhe thotë se “nuk ka transparencë”.

Ristani thotë se një reformë zgjedhore nuk ka kuptim pa një drejtësi të pavarur. Ai shprehet se kjo reformë është e lidhur ngushtë me sistemin e adresave dhe me një sërë elementësh të tjerë që kanë problemet e veta.

“Reforma Zgjedhore është pikë kyce për integrimin e Shqipërisë, por kjo reformë po vonohet. Ka papërgjegjshmëri për mënyrën si po trajtohet kjo reformë, ka mos-transparencë për publikun. Reforma Zgjedhore nuk ka kuptim pa pasur drejtësi të pavarur. Garanti i të Drejtave të Njeriut është Kushtetuesja, që nuk ekziston tani për tani. Kjo reformë është e lidhur me sistemin e adresave, me të gjithë të tjerat. Bëhet sikur janë të sinqertë, por në fakt shihen vec interesa momentale. Edhe rekomandimet e OSBE ODIHR-it janë që më 2013 e nuk kanë ecur sa duhet. Edi Rama bën fasada”, tha Ristani në emisionin “Real Story”.

Arben Ristani vlerësoi se gjithmonë pushteti ka më shumë faje dhe se edhe këtë rast, më shumë fajtore është pikërisht qeveria.

“Nuk ka ëngjëj, por fajin gjithmonë e ka pushteti më shumë. Edhe kur PD ka qenë në pushtet, përgjegjësia shihej më shumë tek maxhoranca. Edhe futja e teknologjisë ndikon në shumë hallka të procesit, por do shumë kujdes. Teknologjia kërkon besim. Pra duhet besuar teknologjia që ta zbatosh më pas. Por unë besoj se teknologjia gjen hapësira, mund të gjejë sepse tashmë është përhapur thuajse kudo.  Ka vende që bëjnë numërim teknologjik shumë shpejt. Më shumë ka mungesë të vullnetit politik, kjo është njësh. Ka mungesë të vullnetit politik sepse nuk ka burra shteti. Por faji më shumë gjithmonë i takon pushtetit”, u shpreh Ristani.

Sondazh

Article Logic
Execution time: 0.004486083984375
array(1) { ["section"]=> string(97) "arben-ristani-kritika-keshillit-politik-s-kane-transparence-e-bejne-per-interesa-momentale-208689" }