Struktura e Posaçme Kundër Korrupsionit dhe Krimti të Organizuar, SPAK thotë se emri i ish-zëvendës kryeministrit Arben Ahmetaj nuk është regjistruar në asnjë vepër penale.
Reagimi i SPAK për mediat vjen vetëm një ditë pas akuzave të Sali Berishës i cili tha se kryeministri Edi Rama e shkarkoi Arben Ahmetajn në mënyrë që t’i hapë rrugë për t’u arratisur pasi është përfshirë në aferën e inceneratorëve.
Por SPAK hedh poshtë akuzat e Berishës duke deklaruar për media se Ahmetaj nuk është person nën hetim për ndonjë vepër penale në kompetencë të Prokurorisë së Posaçme.
Rama vendosi shkarkimin e Ahmetajt, vendin e të cilit e zuri ministrja Belinda Balluku, ndërsa për ministrinë e tij të Rindërtimit, kreu u qeverisë tha se kjo ministri e kreu misionin e saj, falë dhe punës së ish-ministrit Ahmetaj përgjatë dy ngjarjeve madhore që prekën vendin, tërmeti dhe pandemia.