Hapësire reklamuese

Politikë

“Apeli të mbyllë çështjen”, Karabina: Berisha mban me gënjeshtra mbështetësit

Shkruar nga Newsbomb
“Apeli të mbyllë çështjen”, Karabina: Berisha

Zëdhënësja e Partisë Demokratike zyrtare, Mirela Karabina ka reaguar pas vendimit të Gjykatës së Lartë, për rikthimin e çështjes së vulës në Gjykatën e Apelit.

Me anë të një njoftimi, Karabina ka sulmuar hapur Berishën, pasi sipas saj po mban prej dy vitesh me gënjeshtra mbështetësit e tij për t'i përdorur si mburojë ndaj halleve me drejtësinë me SHBA apo me Britaninë e Madhe.

“Berisha ka dy vjet që i mban me gënjeshtra mbështetësit e tij për t'i përdorur si mburojë ndaj halleve me drejtësinë me SHBA apo me Britaninë e Madhe. Fitorja e sotme e pretenduar e Berishës është njësoj si ajo në Francë kundër Sekretarit të Shtetit të SHBA.

I vetmi ndryshim i sotëm është se PD vazhdon ringritjen e saj dhe  përgatitjen për zgjedhjet, ndërsa Sali Berisha do të duhet të përballet me akuzat për korrupsion, ndërsa është edhe në listën e zezë të SHBA dhe Britanisë së Madhe.

Sa do të mundohen, sado të investojnë në mediat e tyre me paratë e krimit dhe korrupsionit për të shpërndarë lajme të rreme, aleanca e kullave Rama-Berisha nuk do ta mbajnë dot perng PD.

PD pret që me shpejtësi dhe pa vonesë gjykata e Apelit të shqyrtojë këtë çështje për të mbyllur njëherë e mirë diskutimet rreth PD,” shkuan Karabina.

Sondazh

Poll

Lexo gjithashtu

Hapësire reklamuese