Me valixhe dhe flamurin shqiptar në dorë dy ditë më parë, këngëtarja Anxhela Persiteri u nis drejt Holandës për të përfaqësuar denjësisht Shqipërinë në “Eurovision”.
Anxhela shoqërohet nga një ekip mjaft i gjerë të cilët që prej uljes së avionit në vendin ku po zhvillohet festivali muzikor nuk kanë nguruar të ndajnë me ndjekësit momente nga përgatitjet.
Ditën e sotme Anxhela ka mbajtur provat e saj të para në skenën e Ahoy me këngën përfaqësuese “Karma”.
Përmes disa InstaStory, Anxhela ka treguar se e ka shijuar këtë moment dhe ka falenderuar të gjithë ata persona të cilët e kanë suportuar.
“Përshëndetje të gjithëve. Ne sapo mbaruam provat tona të para dhe këtu jam me të gjithë ekipin tim. Ishte fantastike dhe unë e shijova shumë. Faleminderit dhe ju dua të gjithëve”, thotë Anxhela.
Kujtojmë se “Karma” e Anxhelës do të ngjitet në skenë natën e dytë të gjysmëfinales.