Amfiteatri i Liqenit Artificial do jetë këtë sezon i mbushur me aktivitete artistike.
Kështu, pas Soni Malajt, Amfiteatri rezervon një tjetër natë speciale me koncertin live “Këngët e Liqenit” këtë të premte.
“Ben Duro & friends” mbledhin në Amfiteatrin e Tiranës me 17 maj jo vetëm nostalgjikët, por edhe këdo që do të dëgjojë muzikë të mirë dhe origjinale. Këngët e viteve 80 që ky grup artistësh interpretoi te Parku i Liqenit, jashtë sallave të mbyllura e kontrolluara, ishin një shkëndijë lirie dhe rebelizmi. Këngët e liqenit janë tipike tingull i pastër shqiptar, janë melodi që nuk do të vdesin kurrë, sepse janë origjinale, nuk janë kopje të asnjë rryme dhe komercializmi.
Ato do të na i risjellë Ben Duro & Friends që vijnë në Amfiteatrin e Tiranës me një repertor nostalgjik.