Ambasada Amerikane në Tiranë u ka bërë thirrje të gjithë qytetarëve shqiptarë që aplikojnë për Lotarinë Amerikane.
Përmes një postimi në “Facebook”, ambasada e SHBA-ve, u thotë aplikuesve që të tregojnë kujdes nga ata persona që u kërkojnë para për t’i ndihmuar.
Ambasada bën të qartë se aplikimi për Lotarinë Amerikane bëhet pa pagesë.
Dhe se faqja dvprogram.state.gov është mënyra e vetme për të dorëzuar aplikimin.
” Po aplikoni për Lotarinë Amerikane? Kini kujdes nga ata që kërkojnë para për t’ju ndihmuar. NUK KA pagesë për të aplikuar dhe dvprogram.state.gov është mënyra e vetme për të dorëzuar aplikimin tuaj.”, shkruhet në njoftim.