Kryeministri i Greqisë, Aleksis Tsipras është i gatshëm t’i dërgojë presidentit të vendit, Prokopis Pavlopoulos, një amendament për heqjen e ligjit të luftës me Shqipërinë.
Lajmi është bërë i ditur gjatë emisionit “Top Story” në Top Channel, ku u njoftua se Tsipras ia ka bërë të ditur këtë qëndrim kreut të Kuvendit të Shqipërisë, Ilir Metës, gjatë vizitës së këtij të fundit në Athinë.
Edhe presidenti Pavlopoulos është i gatshëm për një lëvizje të tillë, që do të ulte tensionet mes dy vendeve.
Kusht i vetëm i palës greke është që ky vendim i Greqisë të mos brohoritet dhe të mos përdoret kundër tyre nga partitë nacionaliste shqiptare, duke iu referuar PDIU-së së Shpëtim Idrizit.
Sondazh
Poll
