Tirana
clear sky
16.5 ° C
16.5 °
16.5 °
67 %
1kmh
0 %
Pre
16 °
Sht
27 °
Die
30 °
Hën
30 °
Mar
29 °
E premte, 24 Shtator, 2021
spot_img

Aleksandër Çipa: Rama kandidatët për deputetë do i mbajë në ankth deri në fund, Basha ka gabuar në…

spot_img

Lajme të ngjashëm

7e8e885cf4e0bdaac57a4457645fb5dc

Analisti Aleksandër Çipa ka treguar hapat e gabuar të kryeopozitarit, Lulzim Basha në prag të zgjedhjeve parlamentare të 25 prillit.  

Në Ora News, Çipa u shpreh se formësimi i disa aleancave në opozitë si ajo mes PBDNJ dhe PDIU në një koalicion krijon një paradoks në perceptimin publik.

Ndërkohë, Çipa foli edhe për zgjedhjen e kryeministrit Rama për të shtyrë sa më shumë zbulimin e emrave kandidat. Sipas tij, Rama do të vazhdojë t’i mbajë në ankth deri në limitet e lejuara nga KQZ-ja.

“Mendoj që Basha bëri gabim edhe në mënyrën se si ka formësuar disa aleanca. Bashkëjetesa e PBDNJ-së dhe PDIU-së në një koalicion, formëson në perceptimin publik një paradoks. Duket sikur i gjithë spektri opozitar nuk është i konsoliduar për të patur një fitore dhe në mënyrën se si do të administrohet kjo fitore. Po ashtu, i takon si detyrë kreut të PD-së, afishimi dhe shpalosja e një kapaciteti për besueshmërinë e një programi fitues qeverisës. Kjo gjë mbetet për t’u parë në ditët e ardhshme. Nuk mjafton vetëm oponenca dhe kontestimi politik që i bën shumicën së lodhur në qeverisjen 8-vjeçare.

“Rama kandidatët për deputetë i mbante në ankth deri në limitet e lejuara nga KQZ-ja. Kjo gjë mesa duket është e pashmangshme. PD këtë gjë duhet ta bënte se e ka pasur kohën, PS-ja ka një tjetër metodologji testuese, në një përballim mes të kontestuarve, të konsumuarve në qeverisje dhe të pakënaqurve në këto dy mandate. Si dhe nga ajo që e karakterizon udhëheqjen e Ramës, që promovon emra të rinj në partinë e vjetër të tij. Partitë tona të mëdha e kanë braktisur principin e selektimi, përfaqësimit dhe ballafaqimin demokratik. Vendimit i merr autoriteti dhe sovranit i ka mbetur vetëm procedura e votimit.

“LSI-ja është në momentin më të vështirë dhe kritik elektoral, pasi i duhej të vërtetonte që është forca e tretë dhe duhet ta zgjidhje më herët dilemën për të dalë me PD-në ose e mëvetësishme. Në këtë mënyrë do të kishte më shumë mundësi për të parë kapacitetin e vet në struktura. Duhej që të ndërtohej një strategji më pragmatiste,” përfundoi Çipa.

Më shumë

spot_img