Presidenti i Kosovës Hashim Thaçi po përballet me kundërshtinë e zyrtarëve të lartë në Kosovë, lidhur me idenë e korrigjimit të kufijve me Serbinë.
Fatmir Limaj e Daut Haradinaj, nga partitët në koalicion, NISMA dhe LDK janë shprehur kundër, teksa i kërkojnë Thaçit të rrespektojë kushtetutën. Ata e kanë quajtur idenë si “sllavo-ruse”.
Korrigjimi i kufijve me Serbinë është interpretuar si shkëmbim territoresh, në kuadër të normalizimit të marrëdhënieve mes dy shteteve.
“Kemi obligim të respektojmë Kushtetutën dhe ligjet e Kosovës dhe deklarimet për korrigjim të kufijve nga bartësit e institucioneve janë të papranueshme”, ka thënë Limaj.
Disa analistë në Kosovë dhe Shqipëri e kanë quajtur “të rrezikshme” dhe një “Konferencë të dytë të Londrës” idenë për shkëmbim territoresh mes Kosovës dhe Serbisë.