
Gjykata e Apelit ka rrëzuar ankimin e Gëzim Gjinit, i cili u arrestua 8 muaj më parë në Lezhë, pasi akuzohet për vrasjen e kunatit në Itali.
Ai kundërshtoi vendimin e Gjykatës së Shkallës së Parë Lezhë, e cila vendosi masën “arrest me burg”.
“Gjykata e Apelit të Juridiksionit të Përgjithshëm, informon sa më poshtë: Gjykata e Shkallës së Parë e Juridiksionit të Përgjithshëm Lezhë, ka zhvilluar gjykimin lidhur me miratimin e arrestimit provizor si dhe caktimin e masës shtrënguese “arrest në burg” parashikuar nga neni 238 të K.Pr.Penale, ndaj shtetasit me iniciale G.Gj, për efekt të marrjes së kërkesës për ekstradim nga shteti Italian, si i dyshuar për kryerjen e veprës penale të “Vrasjes”, parashikuar nga Kodi Penal i Italisë.. Gjykata e Shkallës së Parë e Juridiksionit të Përgjithshëm Lezhë, me vendimin nr. 261 (53-2023-1768), datë 11.08.2023, ka vendosur:
- Pranimin e kerkeses.
2. Vlerësimin e ligjshëm të arrestimit provizor të kryer nga policia gjyqësore ndaj shtetasit G.Gj.
3. Caktimin e mases se sigurimit “arrest ne burg”, parashikuar nga neni 238 i K.Pr.Penale, për shtetasin G.Gj.
Çështja në apel u shqyrtua mbi bazën e ankimit të bërë, nga kërkuesi me iniciale G.Gj i cili kërkoi revokimin e masës së sigurimit “arrest në burg”.
Në përfundim të gjykimit, sot më datë 03.10.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Elona Mihali, vendosi: Miratimin e vendimit Nr. 261 datë 11.08.2023 të Gjykatës së Shkallës së Parë e Juridiksionit të Përgjithshëm Lezhë”, sipas njoftimit të gjykatës.
Gëzim Gjini u arrestua në Lezhë disa muaj më parë pas vrasjes së kunatit të tij në Itali. Menjëherë pas arrestimit, për 30-vjeçarin nisën procedurat për ekstradimin e tij në Itali. në mesin e të akuzuarve është edhe motra e tij, bashkë me tre te tjerë. Në bashkëpunim me njëri tjetrin, për të fshehur vrasjen e Petrit Cakës me thikë, Gëzim Gjini, motra e tij dhe dy të tjerë, inskenuan ngjarjen që të dukej si grabitje.