Gjykata e Shkodrës ka vendosur masën e sigurisë "arrest me burg" për 15-vjeçarin Ergys Malaj. Mësohet se ai do të izolohet në një qendër rehabilitimi për të mitur.
I mituri është i akuzuar për vrasjen e Endri Mustafës në zonën e Livadheve në Shkodër.
Në dëshminë e tij në polici, Malaj ka thënë se po shkonte të merrte drogë bashke me Mustafën, në momentin kur i ka dalë përpara Ibrahim Lici.
Më pas mësohet se Endri Mustafa e ka lutur që të mos e vrasë pasi kishte fëmijë për të rritur.
Por sipas dëshmisë së 15-vjeçarit, Lici i ka thënë "Qofsh i Xhenetit" dhe e ka qëlluar për herë të dytë ku e ka lënë të vdekur.