Hapësire reklamuese

Aktualitet

Zjarret në Dropull, Komisioni Europian: Vendet e Bllokut treguan gatishmëri për t’i ardhur në ndihmë Shqipërisë

Shkruar nga Newsbomb
Zjarret në Dropull, Komisioni Europian: Vendet e Bllokut treguan
Foto nga avionët e forcave zjarrfikëse të Greqisë

Komisioni Evropian ka deklaruar se Shqipëria ka aktivizuar “Mekanizmin Evropian të Mbrojtjes Civile” për shuarjen e zjarreve masive të përhapura këto dy ditë në zonën e Dropullit.

Në një postim në rrjetin social X, Komisioni ka bërë të ditur këtë fakt, ndërsa vijon duke thënë se Greqia ka dërguar 4 avionë të forcave zjarrfikëse për të ndihmuar dhe vënë nën kontroll flakët e shumta të përhapura në këto zona, duke bërë të mundur izolimin e plotë të vatrave të zjarrit.

Gjithashtu, Komisioni shton se ky është solidariteti i Bashkimit Europian, ndërsa thekson se janë të gatshëm në çdo kohë për të ofruar ndihmën e tyre, në rast se Shqipëria do e ketë të nevojshme.

Shqipëria ka aktivizuar mekanizmin #EUCivilProtection për të trajtuar zjarret në Bashkinë Dropull. Greqia ka dërguar katër avionë zjarrfikës. Ky është solidariteti i Bashkimit Evropian në veprim. Ne jemi të gatshëm për mbështetje të mëtejshme të Shqipërisë nëse është e nevojshme”,- shkruhet në llogarinë zyrtare të rrjetit social, X të Komisionit Evropian.

Kujtojmë se zjarret në zonën e Dropullit vijojnë prej dy ditësh, ndërsa u mobilizuan për shuarjen e flakëve shërbimet zjarrfikëse të disa qyteteve si, Gjirokastrës, Dropullit, Përmetit, Tepelenës dhe Libohovës.

 

Gjithashtu, në ndihmë të forcave zjarrfikëse shkuan edhe forcat e armatosura, të cilët ndërhynë edhe nga ajri nëpërmjet helikopterëve, pasi terreni i thepisur po ngadalësonte punën e forcave për vënien nën kontroll të flakëve dhe shuarjen e tyre.

 

Ministri i Mbrojtjes, Niko Peleshi tha se në ndihmë për shuarjen e zjarreve në këto zona kanë shkuar edhe avionë nga forcat e Greqisë.

 

Përhapja masive e vatrës së zjarrit në këto zona shkaktuar dëme të mëdha në bimësi, pyje dhe kullota, ndërsa mbrëmjen e djeshme u raportua se ishin lënduar edhe dy punonjës të forcave zjarrfikëse gjatë operacionit për të shuar flakët.

 

Ato u dërguan në spital për të marrë ndihmë të specializuar mjekësore, ndërsa mësohe se gjendja e tyre shëndetësore aktualisht është stabile.

Sondazh

Poll

Lexo gjithashtu

Hapësire reklamuese