KQZ do të ridërgojë dokumentacionin zgjedhor për gjashtë votues shqiptarë jashtë vendit të cilëve më herët ju ishte dërguar zarfi pa fletën e votimit.
Mësohet se dy votues që do ju ridërgohen zarfat ndodhen në Itali, një në Francë, një në Gjermani, Greqi dhe SHBA.
Sipas vendimit, në zarfin B të ridërguar do të vendoset një QR Code i ri, i ndryshëm nga ai i mëparshmi, për të garantuar sigurinë dhe identifikimin e saktë të procesit.
Ridërgimi i këtyre zarfave me fletët e votimit do të shënohet në një procesverbal të veçantë nga Drejtoria e Votimit nga Jashtë, i cili më pas do të dorëzohet në protokollin zyrtar të KQZ-së.
"Ridërgimin e dokumentacionit zgjedhor për zgjedhësit, sipas listës që i bashkëlidhet këtij vendimi. QR Code i cili vendoset në zarfin B që do t’ju dërgohet këtyre zgjedhësve, duhet të jetë i ndryshëm nga ai që përmbante zarfi B i dërguar më parë.
Për këta zgjedhës do të administrohet vetëm dokumentacioni zgjedhor i ridërguar. Drejtoria përgjegjëse për votimin nga jashtë shënon rastin në një procesverbal të veçantë, të cilin e depoziton në protokollin e Komisionit Qendror të Zgjedhjeve.
Ky vendim hyn në fuqi menjëherë dhe publikohet në faqen zyrtare të internetit të Komisionit Qendror të Zgjedhjeve. Kundër këtij vendimi mund tё bёhet ankim në Komisionin e Ankimimeve dhe Sanksioneve brenda 3 (tre) ditëve nga shpallja e tij."-thotë KQZ.
Sondazh
Lexo gjithashtu
