Të tjera detaje janë zbardhur nga ngjarja e rëndë e ndodhur pasditen e kësaj të diele në fshatin Ndroq të Tiranës, ku mbeti i vdekur Alfred Dedja.
Burime për mediat bëjnë me dije se autori i kësaj ngjarje, 27-vjeçari Julian Gjoshi dhe viktima ishin miq.
Në momentin që ndodhi ngjarja Dedja ishte duke drekuar me disa miq të tij, ndërkohë që në lokal u fut 27-vjeçari. Mësohet se 50-vjeçari shkoi ta përqafonte të riun, mirëpo ky i fundit pa i thënë asgjë nxori armën e zjarrit dhe filloi ta qëllonte.
Pas të shtënave ai u largua me shpejtësi nga vendi i ngjarjes me automjetin e tij “Benz ML”, ngjyrë të zezë, ndërkohë Alfred Dedja si pasojë e plagëve të marra humbi jetën në vendin e ngjarjes.
Policia po punon për kapjen e të riut nga Shijaku. Lidhur me këtë ngjarje priten më tepër detaje në vijim.
