Gjykata e Shkallës së Parë në Shkodër ka dënuar me 22 vite burg Lekë Vuksanin, autori i vrasjes së Petrit Vuksanit në lagjen “Skënderbej” të qytetit të Shkodrës.
Kujtojmë se ngjarja ndodhi në 2 maj të 2023, ku Lekë Vuksani qëlloi me kallash kushëririn e tij Petrit Vuksani brenda shtëpisë së tij, pas një debati që kishin patur për qiranë e shtëpisë, pasi 34-vjeçari jetonte me qira në banesën në pronësi të viktimës.
Pasi kreu krimin ai u largua me shpejtësi dhe qëndroi i fshehur në një banesë dhe pas disa orësh kërkime u bë i mundur arrestimi i tij.
Pas arrestimit atë kohë ai i tha policisë se jetonte me qira në shtëpinë e Petritit dhe se pikërisht për këtë janë konfliktuar pasi viktima i kërkonte qiranë si dhe të paguante faturat e dritave dhe ujit.
Më tej ai ka treguar se Petrit Vuksani e kishte nxjerrë nga shtëpi. Autori tha se në një moment ishte kthyer dhe kishte gjetur vetëm në banesë 52-vjeçari dhe në debat e sipër ka marrë armën dhe e ka qëlluar.
“Me Petritin jemi njohur sepse edhe ai është nga Dukagjini. I kam marrë shtëpinë me qira duke qenë se ndodhej në Angli. Muajt e fundit kemi patur disa debate për qiranë e shtëpisë por edhe për pagesat e ujit dhe të energjisë elektrike. Atë ditë kur ndodhi vrasja Petriti erdhi dhe më nxori nga shtëpia. Unë u ktheva dhe e gjeta vetëm. Aty kemi debatuar dhe në debat e sipër gjeta një automatik që nuk është i imi, por i Petritit. Në debat e sipër kam marrë armën dhe e kam qëlluar”, tha ai atë kohë.
Sondazh
Lexo gjithashtu
