Në kuadër të operacionit të koduar "The last" Policia e Tiranës ka arrestuar 27-vjeçarin me inicialet Y.A., i cili dyshohet se ka kryer një seri vjedhjesh në qytet. Sipas raportimeve, i riu ka kryer vjedhje monopatinash, biçikleta, motorë, etj.
Gjithashtu mësohet se 37-vjeçari ka shfrytëzuar edhe dy të mitur për të kryer vjedhje dhe më pas ua ka marrë sendet e vjedhura. Sipas të dhënave rezulton se Y.A., ka qenë i dënuar më parë për vjedhje.
Njoftimi i Policisë
Finalizohet nga Komisariati i Policisë Nr. 3, operacioni policor i koduar “The last”. Zbardhen dhe dokumentohen 9 raste të vjedhjeve të monopatinave dhe biçikletave, kapet dhe ndalohet 37-vjeçari, i dënuar me parë për vjedhje.
37-vjeçari, dyshohet se shfrytëzonte dhe shtynte dy të mitur për kryerjen e vjedhjeve.
Shërbimet e Komisariatit të Policisë Nr. 3, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, finalizuan operacionin policor të koduar “The last”, në kuadër të të cilit u kap dhe u ndalua shtetasi Y. A., 37 vjeç, i dënuar më parë për vjedhje.
Ky shtetas, në kohë dhe vende të ndryshme, gjatë muajit shkurt dhe mars ka vjedhur 5 monopatina, 3 biçikleta dhe 1 motomjet.
Gjatë hetimeve ka rezultuar se ky shtetas shfrytëzonte dy shtetas të mitur të moshës 12 vjeç, të cilët pasi i vidhnin ja dorëzonin 37-vjeçarit.
Në vijim të veprimeve, gjatë kontrollit fizik të 37-vjeçarit, iu gjet dhe iu sekuestrua një mjet prerës(thikë).
Materialet i kaluan Prokurorisë, për veprime të mëtejshme procedurale.
Sondazh
Lexo gjithashtu
