Blektorë nga i gjithë vendi janë mbledhur në një protestë në autostradën Lushnjë-Fier për çmimin e ulët të qumështit dhe subvencionet e munguara nga shteti.
Pasi kanë mbajtur fjalën dhe kanë njoftuar kërkesat të cilat kanë, fermerët kanë derdhur tonelata të tëra me qumësht duke 'larë' rrethrrotullimin e Savrës në autostradën Lushnjë-Fier.
“Ja ku shkoi gjaku i fermereve" – dëgjohet të thotë një protestues pasi sipas tyre çmimi i qumështit nuk i favorizon për tu zhvilluar.
Policia ka lejuar makinat të lëvizin edhe pse mes qumështit, ndërkohë një fermer dëgjohet duke thënë: Është turp të lini makinat të kalojnë mes qumështit”
Gjithashtu në shenjë protestë, prej një jave fabrikave të qumshtit në vend nuk u është shitur produkti.
Blektorët kanë kërkuar vëmendjen e autoritet të konkurëncës për të hetuar fabrikat e qumështit. Kjo pasi fermerët dyshojnë se fabrikat kanë bërë marrëveshje të fshehtë për të ulur çmimin e qumështit vendas teksa i furnizojnë fabrikat me qumësht importi.
Ata thonë se po u bëhet padrejtësi nga industria e qumështit, për skemat e subvencionimit të cilat janë një mbështetje mjerane, ndërsa një sërë institucionesh nuk ushtrojnë autoritetin sipas ligjit.
“Ne jemi brezi i dytë që duam të zhvillojmë dhe rrisim fermat por nuk po shesim. Qeveria thotë se kanë vizituar 10 milionë turistë Shqipërinë, por mos vallë këta marrin bukën me vete’- tha një fermer.
Sondazh
Lexo gjithashtu
