Në kuadër të 108-vjetorit të shpalljes së Korçës si Krahinë Autonome, për herë të parë u paraqit një koleksion i pasur kostumesh tradicionale nga juglindja e Shqipërisë. Rreth 150 kostume kanë kaluar nëpër bulevardin "Republika" dhe pedonalen e qytetit, duke tërhequr vëmendjen e kalimtarëve dhe vizitorëve.
Sokol Çeka, koreograf i njohur, theksoi se kostumografitë e rajonit të Korçës janë veçanërisht të dallueshme dhe më të pasura krahasuar me ato të pjesëve të tjera të vendit. Ai shtoi se ruajtja e këtyre kostumeve është një detyrë e vështirë, duke kërkuar një angazhim të madh për të pasur gjithmonë autenticitetin e tyre.
Koleksionisti Mirgen Shamblli, i cili paraqiti për herë të parë elementë të rinj që lidhen me ngjarjet e vitit 1916, ka pasuruar ekspozitën me shumë detaje historike.
Kjo ngjarje e rëndësishme është shoqëruar me aktivitete të shumta, përfshirë edhe organizimin e një festivali autonom, që ka ndihmuar në ruajtjen dhe promovimin e trashëgimisë kulturore të rajonit.
Sondazh
Lexo gjithashtu
