Një vit më parë, kryebashkiaku i Tiranës, Erion Veliaj tha se shkolla ‘Edit Durham’, një nga shkollat ikonike në kryeqytet do të rindërtohet në paketën e radhës.
Ndërsa gjat verës, prindërit e nxënësve të shkollës 9-vjeçare u pyetën si dhe u kërkua aprovimi për rindërtimin. Bashkia Tiranë hapi dhe një procedurë tenderuese me fond limit prej rreth 496 milionë lekë.
Sipas njoftimit të shkurtuar të kontratës, i gjithë procesi i ndërtimit do të finalizohet për dhjetë muaj.
Sipas bashkisë godina e re do ndërtohet sipas normave dhe standardeve europiane, duke bërë një përmirësim të kushteve.
Prindërit e kanë kundërshtuar rindërtimin, pasi godina e r do kishte të njëjtin numër klasash dhe mësimi do vazhdonte të zhvillohej edhe turnin e dytë.
Por duket se bashkia e ka bërë fakt të kryer, pasi ditën e sotme një situatë e paprecedentë është shënuar, ku Ministria e Arsimit dhe Bashkia e Tiranës kanë vendosur që të shembin shkollën brenda ditës, duke gjetur të papërgatitur jo vetëm nxënësit, por edhe vetë stafin.
Bashkia e Tiranës ka vendosur që të fusë në proces rikonstruksioni shkollën “Edith Durham”, ku në një proces të fshehtë e me mungesë transparence ka kryer të gjithë procedurat e ka marrë vendim për spostimin e fëmijëve, brenda një dite.
Njoftimi u është shpërndarë ditën e sotme prindërve, e sipas drejtorisë së Shkollës ai është marrë po sot nga Zyra Vendore Arsimore Tiranë. Sipas këtij njoftimi, duke filluar nga dita e hënë mësimi për të gjitha klasat do të zhvillohet në Shkollën Emin Duraku, në turnin e dytë.
Në bazë të shkresës së Zyrës Vendore Arsimore Tiranë me nr 859 prot datë 5.11.2024, lidhur me rindërtimin e shkollës “Edith Durham” ju bëjmë me dije se:
- Ditën e hënë, datë 11.11.2024 mësimi për të gjitha klasat nga grupi përgatitor deri në klasën e 9-të do të zhvillohet në shkollën “Emin Duraku” pasdite.
- Lidhur me orarin mësimor dhe vendosjen e klasave do të njoftoheni në ditët në vazhdim”- thuhet në njoftim.
Lëvizja dhe zhvillimi i mësimit në orët e vona të pasdites, shkakton jo pak probleme tek nxënësit, por në veccanti tek klasat e para e të nënta.
Sondazh
Lexo gjithashtu
