Hapësire reklamuese

Aktualitet

“U mblodha e gjitha, më vinte turp”, Rudina Xhunga rrëfen ngacmimin seksual në autobusin e Tiranës: Një burrë më preku nga pas

Shkruar nga Newsbomb
“U mblodha e gjitha, më vinte turp”, Rudina Xhunga rrëfen
Rudina Xhunga

Gazetarja Rudina Xhunga ka treguar se si e kanë ngacmuar seksualisht në autobusin e Tiranës, kur ishte adoleshente.

E ftuar në “Albana Osmani Show”, ajo tregoi se një burrë e ka prekur nga pas, ndërsa ka përcjellë një mesazh për të gjithë vajzat që janë gjendur në një situatë të tillë, apo që mund të përballen me një situatë të tillë.

Gazetarja tha se trupi është i tyre dhe se nuk duhet të lejojnë askënd që t’i prekë pa dëshirën e tyre dhe se duhet të ngrejnë zërin nëse diçka e tillë ndodh.

Unë nuk isha as grua, isha fëmijë. Më kujtohet gjithmonë momenti më i vështirë i atyre viteve. Kam qenë në autobus, isha 14-15 vjeçe. Në këmbë afër vendit të shoferit në autobusin e linjës në Tiranë. Një burrë më preku nga pas. Unë u mblodha e gjitha. Më vinte shumë turp, nuk dija si të reagoja.

Tani që e mendoj më vjen për të qarë, si atë ditë, kur e kruspullosur, qaja nën zë. Sepse nuk dija si të reagoja, më vinte turp që ai po e bënte këtë gjë, por nuk dija kujt t’i ankohesha. Nuk kisha telefon, nuk kisha askënd afër që t’i thosha: “Ky po më prek dhe kjo është e neveritshme”.

Më binin lotët dhe nuk lëvizja. Kur ia thashë vajzës sime këtë gjë më pyeti: “Pse nuk largoheshe?!” Sepse u mpiva. Sepse familja ime nuk më kishte përgatitur për këtë gjë, nuk më kishte thënë se një plehrë në autobus mund të të prekë ty. Unë isha vetëm një fëmijë. Sa e sa vajzave 12-15-vjeçare mund t’u ketë ndodhur kjo gjë.

Unë tani flas me vajzën time. Duhet të flasim, qysh herët, t’u themi që ky është trupi yt dhe askush nuk mund të të prekë. Jo vetëm në autobus, por në dyqan, në shkollë, në shtëpi. Që është private, që është jotja, që nuk është turp për ty pse po të prekin, është për atë.

Ndaj fol, gjeje zërin tënd, ti duhet të bërtasësh: Largohu!”, Nëse ke turp, pastaj ndjen dhe faj dhe mandej bëhesh viktimë. Mjaft duke treguar me gisht viktimën. Është koha për: Edhe unë", u shpreh gazetarja Rudina Xhunga.

Sondazh

Poll

Lexo gjithashtu

Hapësire reklamuese