Një rast vandalizmi është shënuar në qytetin e New Yorkut në SHBA kundrejt një kishe, nga një 30-vjeçar.
30-vjeçari i identifikuar si Randy Maldonado Avila dëmtoi me çekiç shtatoren e Nënë Terezës dhe atë të Shën Papa Gjon XXIII, që ndodheshin në hyrje të kishës së Shën Dominikut, si dhe dyert e kësaj kishe.
Dyert e dëmtuara të kishës u mbuluan me dërrasa, ndërsa statujat e vandalizuara u mbuluan me një copë, nga vullnetarë brenda disa orësh nga sulmi.
Nuk dihet arsyeja se përse ky 30-vjeçar e bëri sulmin, por fatmirësisht policia arriti të arrestojë në vendngjarje autorin e ngjarjes.
At Michael Lynch, pastor në këtë kishë ka deklaruar se është në pritje të një vlerësimi nga siguruesit për koston totale të riparimeve.
Ai parashikoi se riparimet do të ishin "të kushtueshme", por shtoi se një vullnetar kishte kontaktuar dioqezën duke ofruar ndihmë për rindërtimin e statujave.
Shtatorja e Nënë Terezës
Kisha e Shën Dominikut në New York
Shën Papa Gjon XXIII
Sondazh
Lexo gjithashtu
