Policia e Vlorës ka vënë në pranga një 59-vjeçar italian pasi është kapur duke drejtuar motomjetin në gjendje të dehur.
“Seksioni i Policisë Rrugore në Sarandë arrestoi shtetasin italian D. A., 59 vjeç, banues në Sarandë, pasi është konstatuar nga shërbimet duke drejtuar motomjetin në gjendje të dehur”, thuhet në njoftimin e Policisë, ndërkohë bëhet me dije se për një tjetër shtetas blutë e Vlorës kanë nisur procedim penal pasi dyshohet se ka trafikuar në Shqipëri një automjet tip “Toyota” që rezulton i vjedhur në Belgjikë.
“Seksioni i Hetimit dhe ZMPKT në pikën kufitare Qafë-Botë, referoi materiale në Prokurori dhe nisi procedimin penal për shtetasin A. B., 49 vjeç, banues në Sarandë, pasi dyshohet se ka trafikuar në Shqipëri një automjet tip “Toyota” që rezulton i vjedhur në Belgjikë”, njofton Policia.
Njoftimi i plotë i Policisë:
Drejtoria Vendore e Policisë Vlorë
Seksioni për Hetimin e Narkotikëve në DVP Vlorë referoi materiale në Prokurori dhe nisi procedimin penal për shtetasin E. L., 28 vjeç, pasi gjatë kontrollit fizik shërbimet e Policisë i gjetën dhe sekuestruan një sasi lënde narkotike kanabis.
Komisariati i Policisë Himarë referoi materiale në Prokurori dhe nisi procedimin penal për shtetasit N. P. dhe L. G., pasi dyshohen se për motive të dobëta, janë konfliktuar fizikisht me njëri-tjetrin.
Seksioni i Hetimit dhe ZMPKT në pikën kufitare Qafë-Botë, referoi materiale në Prokurori dhe nisi procedimin penal për shtetasin A. B., 49 vjeç, banues në Sarandë, pasi dyshohet se ka trafikuar në Shqipëri një automjet tip “Toyota” që rezulton i vjedhur në Belgjikë.
Seksioni i Policisë Rrugore në Sarandë arrestoi shtetasin italian D. A., 59 vjeç, banues në Sarandë, pasi është konstatuar nga shërbimet duke drejtuar motomjetin në gjendje të dehur.
Materialet iu referuan Prokurorive për veprime të mëtejshme.
Sondazh
Lexo gjithashtu
