Hapësire reklamuese

Çështjet kryesore

Aktualitet

Theu arrestin shtëpiak dhe plagosi me thikë 37-vjeçarin te Rruga e Kavajës, arrestohet i riu (EMRI)

Shkruar nga Newsbomb
Theu arrestin shtëpiak dhe plagosi me thikë 37-vjeçarin te
Foto arkivë

Një 28-vjeçar ka rënë në prangat e policisë së Tiranës pasi një natë më parë i përfshirë në një konflikt, goditi me thikë një person.

28-vjeçari Gerhard Peza i cili ishte me masë sigurie “Arrest në shtëpi”, në mesnatë pranë rrugës së Kavajës, u përfshi në një sherr ku goditi me thikë një 37-vjeçar.

Njoftimi i policisë:

Plagosi në mesnatë me mjet prerës(thikë), për motive të dobëta një 37-vjeçar, kapet dhe vihet në pranga autori i dyshuar.

I arrestuari ishte me masë sigurie “Arrest në shtëpi”, për veprën penale “Drejtimi i automjetit në mënyrë të parregullt”.

Gjendet dhe sekuestrohet mjeti prerës me të cilin autori plagosi 37-vjeçarin.

Menjëherë pas njoftimit rreth orës 00:10, për një plagosje me mjet prerës, në rrugën “Ndre Mjeda”, shërbimet e Komisariatit të Policisë Nr. 2, organizuan punën dhe shkuan menjëherë në vendngjarje. Si rezultat i veprimeve të shpejta hetimore dhe  operacionale, u bë identifikimi, kapja dhe shoqërimi i autorit të dyshuar të plagosjes së 37-vjeçarit.

Në përfundim të veprimeve të para hetimore, Specialistët për Hetimin e Krimit të Komisariatit të Policisë Nr 2, arrestuan shtetasin G. P., 28 vjeç, banues në Tiranë.

Nga verifikimet e mëtejshme, rezultoi se shtetasi G. P., ishte me masë sigurie “Arrest në shtëpi”, për veprën penale “Drejtimi i automjetit në mënyrë të parregullt”. I dëmtuari ka marrë asistencë mjekësore dhe është jashtë rrezikut për jetën.

Sondazh

Poll

Lexo gjithashtu

Hapësire reklamuese