Dy shtetas polakë janë proceduar penalist në kufirin e Hanit e Hotit, pasi ka tentuar të nxjerrin nga Shqipëria mijëra euro të padeklaruara.
Bëhet me dije se janë proceduar penalisht shtetasit shtetasit polakë M. K., 35 vjeç dhe M. G., 33 vjeçe. Policia gjeti në automjetin e tyre rreth 84 000 euro që 2 shtetasit synonin t’i nxirrnin nga vendi, pa i deklaruar.
Paratë janë sekuestruar, ndërsa ka nisur procedimi penal për dy shtetasit, të cilët akuzohen për veprën penale “Mosdeklarimi në kufi i të hollave dhe i sendeve me vlerë”.
Noftimi i policisë:
Tentuan të nxirrnin nga Shqipëria, pa i deklaruar, rreth 84 000 euro, procedohen penalisht 2 shtetas polakë.
Sekuestrohet shuma e eurove.
Si rezultat i intensifikimit të kontrolleve në hyrje/dalje, për të menaxhuar fluksin e lëvizjes, si dhe për të parandaluar dhe goditur krimet në kufi, shërbimet e Policisë Kufitare të PKK Hani i Hotit konstatuan një rast të mosdeklarimit të shumave të konsiderueshme të parave, në pkk.
Në bazë të analizës së riskut, në dalje të RSh-së, u kalua për kontrolle në vijë të dytë, automjeti me të cilin lëviznin shtetasit polakë M. K., 35 vjeç dhe M. G., 33 vjeçe. Policia gjeti në këtë automjet rreth 84 000 euro që 2 shtetasit synonin t’i nxirrnin nga vendi, pa i deklaruar.
Në përfundim të veprimeve procedurale për rastin, u referuan materialet në Prokurori, ku nisi procedimi në gjendje të lirë për të 2 shtetasit polakë, për veprën penale “Mosdeklarimi në kufi i të hollave dhe i sendeve me vlerë”.
Sondazh
Lexo gjithashtu
