Një ngjarje e rëndë ka ndodhur në qytetin e Durrësit ku një shtetase ka mbetur e plagosur. Sipas njoftimit të policisë mësohet se rreth orës 15:30, në lagjen nr.1, Durrës, shtetasi Orgest Zenuni është futur në një market dhe nën kërcënimin e thikës ka tentuar që të marrë xhiron ditore.
Kanë qenë punonjëset e marketit ato të cilat kanë reaguar menjëherë duke njoftuar Policinë dhe janë përpjekur që të pengonin autorin për të mos marrë lekët.
Orgest Zenuni duke mos realizuar dot vjedhjen është munduar të largohet dhe në përpjekje për tu larguar ka dëmtuar lehtë në dorë një nga punonjëset e marketit.
Efektivët kanë shkuar në vendin e ngjarës në kohë reale dhe kanë bërë të mundur arrestimin e 34-vjeçarit.
Njoftimi i Policisë:
Durrës
Tentoi të vidhte nën kërcënimin e thikës xhiron ditore në një market dhe në tentativë për tu larguar dëmtoi lehtë në dorë një nga punonjëset e marketit, falë reagimit të menjëhershëm të Policisë u vu në pranga 34-vjeçari.
Rreth orës 15:30, në lagjen nr. 1 Durrës, shtetasi O.Z, është futur në një market dhe nën kërcënimin e thikës ka tentuar të marrë xhiron ditore.
Punonjëset e marketit kanë reaguar duke njoftuar Policinë dhe të pengonin autorin për të mos marrë lekët.
34-vjeçari duke mos realizuar dot vjedhjen është munduar të largohet dhe në përpjekje për tu larguar ka dëmtuar lehtë në dorë një nga punonjëset e marketit.
Shërbimet e Policisë kanë shkuar në kohë reale në adresën e dhënë dhe kanë prangosur autorin, shtetasin O. Z., 34 vjeç, banues në lagjen nr. 18 Durrës, të cilin e kanë shoqëruar në Komisariat për veprime të mëtejshme.
Grupi hetimor ndodhet në vendngjarje dhe vijon veprimet për dokumentimin ligjor të rastit
Sondazh
Lexo gjithashtu
