Një person është arrestuar në flagrancë në portin e Durrësit, gjatë operacionit të koduar “Aseti”.
Sipas njoftimit të policisë, 36-vjeçari Mariglent Daiu, rezident në Itali, ka tentuar të kalonte çantën e shpinës me 223,200 euro të padeklaruara.
Paratë janë sekuestruar si porvë materiale, pasi dyshohet të jenë përfituar nga një veprimtari kriminale, ndërsa policia është duke punuar për zbardhjen e plotë të rrethanave.
Njoftimi i plotë:
Port, Durrës/Finalizohet operacioni policor i koduar “Aseti”.
Sekuestrohen 223 200 euro të dyshuara produkt i veprimtarive kriminale.
Arrestohet 36-vjeçari, rezident në Itali, që tentoi t’i nxirrte paratë nga Shqipëria, pa i deklaruar në pkk.
Si rezultat i kontrolleve dhe verifikimeve të imtësishme në hyrje/dalje të Shqipërisë, me objektiva parandalimin dhe goditjen e krimeve ne kufi, shërbimet e Policisë Kufitare të portit të Durrësit, në bashkëpunim me autoritetet doganore, finalizuan operacionin “Aseti”.
Gjatë operacionit u arrestua në flagrancë shtetasi shqiptar, M. D., 36 vjeç, rezident në Itali, sepse iu gjetën në çantën e shpinës, 223 200 euro që tentonte t’i nxirrte nga Shqipëria, pa i deklaruar në pkk.
Materialet procedurale i kaluan Prokurorisë së Durrësit, ku vijojnë hetimet për të përcaktuar burimin e këtyre parave.
Sondazh
Lexo gjithashtu
