Policia e Tiranës ka reaguar zyrtarisht për të shtënat me armë zjarri në Lundër ku mbetën të plagosur katër persona, mes tyre dy fëmijë të mitur.
Blutë e Tiranës bëjnë me dije se katër të plagosurit janë dërguar në Spitalin e Traumës për të marrë ndihmë mjekësore ndërsa dy prej tyre raportohet se janë në gjendje të rëndë.
Të plagosur nga të shtënat me armë kanë mbetur Arens Stafa, 34-vjeç, Kian Mullaj, 19 vjeç, dhe dy të mitur Dior Demiraj, 11-vjeç dhe Marko Bardhi Demiraj, 17-vjeç.
Shkaqet dhe rrethanat e ngjarjes janë ende të paqarta ndërsa hetimet vijojnë nga autoritetet.
Njoftimi:
Tiranë/Informacion paraprak
Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Për këtë ngjarje do të kemi informacion më të zgjeruar pas sqarimit të plotë të rrethanave të rastit.
Sondazh
Lexo gjithashtu
