Policia e Shtetit ka dalë me njoftim zyrtar në lidhje me operacionin e zhvilluar kundër krimeve zgjedhore në Kavajë dhe Qerret në Durrës.
Policia sqaron se me urdhër të Prokurorisë së Posaçme, ka ushtruar kontrolle fizike në 5 banesa në pronësi të Elvis Rroshi, Orges Sinella, Tak Rroshi, Mirel Sinella, Tauland Hasa.
Nga kontrollet e ushtruara në banesën e ish kryetarit të bashkisë së Kavajës, Elvis Rroshi, të cilit SPAK i sekuestroi edhe celularin.
Nga kontrollet e ushtruara në banesën e ish kryetarit të bashkisë së Kavajës, Elvis Rroshi, të cilit SPAK i sekuestroi edhe celularin janë gjetur kupona nafte, një pistoletë manovër dhe lista zgjedhësish.
Njoftimi:
Operacion në kuadër të hetimeve për krime zgjedhore, kontroll fizik dhe në banesat e 5 shtetasve të dyshuar.
Sekuestrohen fatura, kupona nafte, lista zgjedhësish, DVR, pistoletë manovër dhe 5 telefona celularë.
Drejtoria për Hetimin e Krimeve Ekonomike dhe Financiare dhe Drejtoria e Forcës së Posaçme Operacionale, në Departamentin e Policisë Kriminale të Policisë së Shtetit, në bashkëpunim me oficerët e BKH-së, në funksion të procedimit penal nr. 82, i vitit 2025, ekzekutuan vendimin e datës 17.05.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për kontrollin fizik dhe atë në banesat e 5 shtetasve.
Gjatë kontrollit të ushtruar ndaj shtetasit E. Rr., 50 vjeç, banues në Kavajë, iu bllokua telefoni celular, si dhe në një ambient në pronësi të tij u gjetën dhe u sekuestruan fatura, kupona nafte dhe lista zgjedhësish.
Shtetasve O. S., 38 vjeç, T. Rr., 44 vjeç, të dy banues në Kavajë, dhe shtetasit T. H., 35 vjeç, banues në Qerret, Durrës, Policia u sekuestroi telefonat celularë.
Ndërsa shtetasit M. S., 37 vjeç, banues në Kavajë, Policia i sekuestroi një DVR, kupona nafte dhe një pistoletë manovër.
Këta shtetas dyshohen për korrupsion aktiv në zgjedhje dhe hetimet në kuadër të procedimit penal vijojnë.
Sondazh
Lexo gjithashtu
