Ka përfunduar shqyrtimi gjyqësor në Gjykaten e Apelit të Posaçëm për inceneratorin e Fierit, ndërsa vendimi për çështjen do të shpallet më 19 dhjetor në orën 14:00.
Çështja në Apel u hap me kërkesë të avokatëve të të pandehurve, të cilët kërkuan që të merreshin parasysh edhe provat e reja që kanë vënë në dispozicion.
Nga ana tjetër SPAK ka kërkuar prishjen e vendimit të shkallës së parë, ku iu dha pafajësia Arben Dervishajt, Juri Imerajt dhe Arjola Kodrës. Ndërsa për Alqi Ballkon SPAK kërkon 7 vite burg, edhe për akuzën shpërdorim detyre. Por Bllako mori pafajësi për akuzën “shpërdorim detyre të funksionarit të lartë shtetëror”, dhe vepra penale iu rikualifikua në “shpërdorim detyre të nëpunësit që kryen detyrë publike”.
Sakaq, ish-ministri i Mjedisit, Lefter Koka është dënuar me 10 vite burg për inceneratorin e Elbasanit. Prokurorët e SPAK nuk kanë qenë dakord me vendimin e mëparshëm për dënim me 8.6 vite burg dhe e ankimuan në Apelit.
Ish-Sekretari i Përgjithshëm i Ministrisë së Mjedisit nga i pafajshëm që ishte shpallur nga Shkalla e Parë, në Apel u dënua me 4 vite burg.
Për të dënuarit e tjerë vendimet nuk kanë ndryshuar, por vetëm për Lefter Kokën dhe Alqi Bllako. Ndërkohë, për këta ish-zyrtarë të lartë janë në fuqi dhe dënime të tjera me burgim për inceneratorin e Fierit, ndërkohë që hetimet vazhdojnë dhe për atë të Tiranës.
Vendimi i Gjykatës së Posaçme të Apelit për inceneratorin e Elbasanit:
Lefter Koka - Dënohet me 10 vite burg - 6.8 vite me gjykim të shkurtuar
Klodian Zoto - Dënohet me 10 vite burg - 6.8 vite me gjykim të shkurtuar
Mirel Mërtiri - Dënohet me 10 vite burg - 6.8 vite me gjykim të shkurtuar
Stela Gugallja - Dënohet me 7 vite burg - 4.8 vite me gjykim të shkurtuar
Alqi Bllako - Dënohet me 4 vite burg, përfiton gjykim të shkurtuar
Pëllumb Abeshi - Dënohet me 4 vite burg - 2.8 vite me gjykim të shkurtuar
Bardhyl Cabiri - Dënohet me 2 vite burg
Jonida Zeqo - Dënohet me 4 vite burg - 2.8 vite me gjykim të shkurtuar
Serafin Papa - Dënohet me 1.4 vite burg
Më datë 25 Shtator 2023, Gjykata e Posaçme ka dhënë dënimet dhe për inceneratorin e Fierit. Disa nga të shpallurit fajtorë, duke përfshirë Lefter Kokën dhe Alqi Bllakon, janë dënuar gjithashtu edhe për këtë impiant të trajtimit të mbetjeve.
Akuzat e ngritura nga Prokuroria Speciale për inceneratorin e Fierit janë pushuar për dy shtetas, për Enver Sheshin i cili ka ndërruar jetë teksa priste vendimin në qelitë e paraburgimit dhe për shtetasin Robert Shabani, i cili është gjykuar me herët nga Gjykata e Tiranës.
Vendimi i Gjykatës së Posaçme për të akuzuarit për inceneratorin e Fierit:
Lefter Koka - Dënohet me 10 vjet burg - 6 vite e 8 muaj burg me gjykim të shkurtuar
Alqi Bllako - Dënohet me 4 vjet burg - 2 vite e 8 muaj burg me gjykim të shkurtuar
Klodian Zoto - Dënohet me 11 vjet burg - 8 vite burg me gjykim të shkurtuar
Pellumb Abeshi – Shërbim prove
Florian Muçaj – Shërbim prove
Azem Shatëri – Shërbim prove
Erjon Murataj – Dënohet me 3 vjet burg - 2 vite burg me gjykim të shkurtuar
Sabina Cenameri – Shërbim prove
Arben Dervishaj – I pafajshëm
Loran Dusha – Dënohet me 7 vjet burg - 4 vite e 8 muaj burg me gjykim të shkurtuar
Arjola Kodra – E pafajshme
Arbër Denizi – Dënohet me 7 vjet burg - 4 vite e 8 muaj burg me gjykim të shkurtuar
Juri Imeraj – I pafajshëm
Regan Merdani – Shërbim prove
Gentian Zifla – Shërbim prove
Sondazh
Lexo gjithashtu
