Hapësire reklamuese

Aktualitet

SKANDAL/ Pamje shqetësuese nga Parku i Butrintit, automjeti i biznesit parkon mbi monumentin e kulturës

Shkruar nga Newsbomb
SKANDAL/ Pamje shqetësuese nga Parku i Butrintit, automjeti i biznesit
Automjeti i parkuar

Butrinti, ky thesar i lashtësisë që ruan historinë e qytetërimeve të mëdha po përdhoset nga “babëzia” e njerëzve. Një tjetër skandal raportohet nga kjo pasuri e cila pak nga pak po tjetërsohet.

Forumi për Mbrojtjen e Trashëgimisë Kulturore ka ngritur alarmin se si automjeti i një prej bizneseve që me vendimin e ministres Mirela Kumbaro operon në atë zonë, është parkuar mbi monumentet e kulturës.

Përmes këtij postimi Forumi për Mbrojtjen e Trashëgimisë Kulturore i është drejtuar ministrit të Ekonomisë, Kulturës dhe Inovacionit, Blendi Gonxhes, duke i treguar kështu edhe realitetin e hidhur që ndodh pas propagandës së rrjeteve sociale.

“Kafeneja e Kumbaros,  sic njihet sot nga punonjesit e Butrintit  jo vetem ka privilegjin te shese uje dhe pije me cmime stratosferike, por ka privilegjin qe cdo dite te parkoje makinen e saj mbi rrenojat antike ne Akropol”, thuhet ndër të tjera në reagimin e Forumit për Mbrojtjen e Trashëgimisë Kultutore.

SKANDAL/ Pamje shqetësuese nga Parku i Butrintit, automjeti i biznesit
Foto: Automjeti i parkuar

Gjithashtu, në këtë postim është evidentuar dhe fakti se si personalitete të njohura kanë respektuar atë vend, duke lënë makinat e tyre në hyrje e duke përshkruar në këmbë Parkun e Butrintit.

“Nderkohe qe njerez fisnike si Presidenti Mejdani i zbriti makines ne hyrje dhe u fut me kembe ne Butrint, apo kryetare shtetesh dhe personalitete te ndryshme e kane respektuar shenjterine e kesaj kryevepre te trashegimise sone, Kumbaro dhe kafeneja e saj perdhos perdite Akropolin e Butrintit”, shkruhet në postim.

Postimi i plotë:

I nderuar zoti minister i Kultures Blendi Gonxhja

Kjo eshte pamja nga Akropoli i Butrintit sot ne daten 29.06.2024. Makina e kompanise se sallameve, te ciles kolegia juaj Kumbaro  i dha me koncesion nje godine historike per ta shnderruar ne kafe, eshte parkuar mbi monumentet e kultures.

Mund ta shikoni i nderuar z. Minister se si kjo makine e kompanise se sallameve  qendron e parkuar mbi nje kishe mesjetare e gerrmuar nga profesoresha e Sorbones, Etleva Nallbani. Makina qe furnizon kafene e Kumbaros  e ben perdite kete ritual ne syte e te gjitheve vizitoreve dhe administrates shteterore.

Ne fakt parkimi i perditshem i kesaj makine mbi rrenojat antike eshte simbolika e perdhunimit, percudnimit dhe talljes publike qe Ministria e Juaj, AADF, BMF dhe te tjere te ngjashem i beni pasurive te trashegimise kulturore shqiptare.

Qe ne krye te heres kur Ministria e Kultures Kumbaro vendosi t'i jepti miqve te saj  godinen historike te rojtarit te Butrintit per ta shnderruar ne kafene,  ishte e qarte se si Kumbaro dhe sorrollopi i saj nuk kishte asnje dhembshuri apo krenari per te ruajtur kete trashegimi. 

Kafeneja e Kumbaros,  sic njihet sot nga punonjesit e Butrintit  jo vetem ka privilegjin te shese uje dhe pije me cmime stratosferike, por ka privilegjin qe cdo dite te parkoje makinen e saj mbi rrenojat antike ne Akropol.

Nderkohe qe njerez fisnike si Presidenti Mejdani i zbriti makines ne hyrje dhe u fut me kembe ne Butrint, apo kryetare shtetesh dhe personalitete te ndryshme e kane respektuar shenjterine e kesaj kryevepre te trashegimise sone, Kumbaro dhe kafeneja e saj perdhos perdite Akropolin e Butrintit.

 

 

 

 

Sondazh

Poll

Lexo gjithashtu

Hapësire reklamuese